How Jesus Go Come Down Come Rule World for 1000 Years
My brother, my sister, you dey ever think about world wey no get wahala? No sickness, no fight, no cry? Dat one na true confam promise for our God word. You fit read the english version for here
The truth be say, Jesus Christ go come back again for wetin we dey call The Millenial Reign of Christ, and Him go rule for this earth wey we dey for 1000 years but e go be new Earth. E go too sweet!
Make We Know Things Wey go happen dat time or even some questions wey fit dey your mind.
- Our body go change? No go be this our old body wey dey sick or fit die we go get dat time. Jesus go give us new body wey no go fit die or sick again. E go strong and clean.
- Na still for this earth? Na this same earth o, but Jesus go do general cleaning. He go take away all the bad things, make land begin produce well-well, and lion and goat go dey stay together like brothers. No more danger or kee kee.
- Jesus, go really dey here? Yes o! Bible talk am! Jesus Himself go dey here live with us. We go see Am with our korokoro eye, we go hear Him voice. Him go be King for the New Jerusalem.
- But Na for Inside the New Jerusalem – No be the old one. This New Jerusalem, Na one heavenly city wey go come down from God. E go shine like diamond. E go dey here with us as God main place.
So no lose hope. All the trouble, tears, pain and suffer wey we dey see now, e get expiry date. Better dey come. Jesus dey come to make all things new, and we go reign with Him. Na true I dey talk!
God bless you as you believe this good news, Abeg try to read the English Version we we post for up there -e long small sha.
