Blog

You know say how you take understand this Bible wey you hold for hand fit change how you see God and im plan for the whole world?

I go tell you wey dey read this say one popular way wey many Christians dey use to understand Bible story na wetin theologians dey call Dispensationalism. This thing be like say you dey watch film wey get different parts, and for each part, God dey manage things differently..

I know say E come be like say God dey run different government for different time. As e be like say, for one period, e give one set of rules. When people fail am, e change am try another way. E still use am dey separate Israel and the Church well-well but na true?

For your mind you go sey ask, Wetin we dey now? We dey inside “Dispensation of Grace.” Na the time wey salvation dey only by believe for Jesus. This grace time go end when Jesus come carry him followers comot for earth (Rapture).

Wetin Be The Opposite (Covenant Theology)?

This one No be different governments. Na one single family agreement from beginning to end. God just dey follow one plan since Adam fall, and na that same plan dey run till now.

For this Covenant Theology:

• No be two different people: Church and Israel be the same family. Dem say Church na the “new Israel.”
• Salvation method remain the same: From Abraham to you and me, na the same grace dey save person since.
• God promise to Israel na for Church: Dem say all the blessings wey God promise Israel, na the Church go enjoy am now.

---

Simple Difference Between the Two

• Dispensationalism: Talk say, God get different plan for Israel (nation) and Church (believers).
• Covenant Theology: Say, God get only one plan for him one people (the Church, wey be the true Israel).

So, which one you dey follow? Na the same Bible, but two ways to look am!

THE SEVEN DISPENSATIONS WEY DEY:

1. Garden of Eden Time – That time God dey stay with Adam and Eve face-to-face.
2. After Garden – Dem Adam don comot so human being just dey use their sense they guide.
3. After Flood – Government come start for the world, make dem come fit judge bad people.
4. Abraham Time – God promise Abraham say him family go bless the world.
5. Moses Time – Law don come (Ten Commandments, sacrifices).
6. NOW – Grace Period – Jesus Christ don come, na only believe for am dey save person soul.
7. Future Time – Jesus go come rule for earth for 1000 years wey dem dey call millennial reign of Christ.

So we dey for number 6 now – Grace Period! Na this time wey God no dey judge sin immediately, e dey give chance for everybody to repent.

Wetin Be Dispensationalism?

For this one:

Wetin We Don Learn For this Message:

So, which one you dey follow? 

Dispensationalism show you how God dey change style across time, and e make you dey look forward to when Jesus Christ go come abi na Covenant Theology wey show you how God dey follow one steady plan from beginning to end.

Anyway, No matter the one wey you believe, the main message remain the same: God love us, and through Jesus Christ, we fit get salvation. 

The different views na just to help us understand God well well.

To round up Na the same Bible, but two ways to look am! The important thing be say you dey read your Bible and dey grow for your relationship with God?.Na dat one be the matter.